Coñece as características e os previsibles impactos ambientais do documento de inicio do proxecto do parque eólico Suído, nos municipios de Fornelo de Montes e Covelo (Pontevedra). Pica no enlace e descarga o cadro -resumo:
Colabora e participa! Pica no enlace adxunto e descarga o modelo de alegacións ao documento de inicio do proxecto do parque eólico Suído. Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública. Tamén podes modificar o modelo.
O artigo 46.3 da Ley 42/2007, do Patrimonio Natural e a Biodiversidade, indica: «Os órganos competentes, no marco dos procedementos previstos na lexislación de avaliación ambiental, deberán adoptar as medidas necesarias para evitar a deterioración, a contaminación e a fragmentación dos hábitats e as perturbacións que afecten as especies fóra da Rede Natura 2000, na medida que estes fenómenos teñan un efecto significativo sobre o estado de conservación dos devanditos hábitats e especies».
Polo tanto existen razóns suficientes para impedir a instalación de calquer parque eólico na Serra do Suído, en tanto que vai afectar a superficies de matogueiras húmidas e turbeiras, ambos hábitats prioritarios da Rede Natura 2000, motivos polos que no seu momento fora obxecto de proposta para a ampliación desta. Mais na Ley 42/2007 está bastante claro que se deben adoptar medidas para evitar o seu deterioro e non enchela de eólicos.
Consulta o documento «Conservación e Xestión de Humidais en Galicia» de Pablo Ramil-Rego, Luis Gómez-Orellana, Javier Ferreiro da Costa (Editores):
valfluvialdolouridocorcoesto.com 