Galería

Lidia Senra, Anxela Vallina, Florence Marcellesi e Xabier Benito defenderon en Bruselas a necesidade de abordar os problemas estruturais que arrastra o monte galego

  • O grupo Verdes-ALE estivo representado polo eurodeputado Florence Marcellesi, grupo ao que pertence a eurodeputada galega Ana Miranda.
  • O eurodeputado Xabier Benito Ziluaga, do grupo Podemos, votou a favor de manter aberta a Petición galega número 1030/2017.
  • En Galicia arde o monte e arde sempre. Verán e inverno. Arde a Rede Natura 2000 e por encima, a información que proporciona a Xunta de Galicia é sumamente escasa. Non existe transparencia nin información, no que respecta ás superficies queimadas e o diñeiro que se gasta na súa extinción.

A intervención do peticionario, Ismael López da asociación ambiental Petón do Lobo, trataba sobre da problemática dos incendios en Galicia, asociada aos problemas estruturais do monte galego.

Screenshot_2019-02-20-15-17-50.png
Ismael López durante a súa intervención en Bruselas na defensa da Petición 1030/2017

O peticionario instaba unha moratoria indefinida para as novas plantacións de especies do xénero eucalyptus en todo o territorio galego, prohibir o cultivo do eucalyptus nitens e establecer a progresiva erradicación destas especies en todo o territorio, con especial atención aos espazos naturais e ás terras agrarias. Incrementar a xestión pública dos montes e protexer os montes veciñais en man común. Ao mesmo tempo tamén facía fincapé na necesidade de actualizar o Plan forestal do ano 1992.

Screenshot_2019-02-20-14-57-57.png
A eurodeputada Lidia Senra amosando unha fotografía sobre dos efectos dos lumes en Galicia

O actual modelo forestalista contribúe a malgastar unha importante cantidade de recursos públicos na extinción de lumes en Galicia. Esta idea foi compartida por Lidia Senra, Anxela Vallina e Florence Marcellesi, que defenderon en Bruselas a necesidade de abordar os problemas estruturais que arrastra o monte galego.

Lidia Senra apoiou a necesidade de establecer unha visita de comprobación dos espazos colonizados polo eucalipto tras os lumes e a mala aplicación da Política agraria común, que induce á perda da poboación no rural e ao abandono dos montes.

Angela Vallina.- “É evidente que a Xunta de Galicia non realizou os deberes nesta materia de prevención de incendios forestais e hai financiación como acabamos de ver de sobra. A Unión Europea debera reflexionar sobre o futuro que está a deixar ás áreas rurais e montañosas. A mesma Comisión recoñecía nun comunicado de prensa do pasado 20 de setembro que a plantación de especies de árbores forestais moi inflamables facilita desde logo o lume e favorece a propagación dos incendios forestais. É por tanto o fomento do monocultivo de eucalipto en España a solución? Pois non, todo o contrario. Hai que enviar unha carta ás autoridades galegas para que expliquen en que gastaron cada euro dos fondos asignados”.

Lidia Senra.- “Estamos falando da mala utilización ou mal uso dos fondos europeos en todo o que ten que ver cos incendios e a prevención e extinción de incendios en Galicia. E cando falamos disto, falamos de saber e seguir para onde vai exactamente o diñeiro pero tamén falamos de saber se se están a tomar medidas coherentes para cumprir os obxectivos. E tal e como nos comunica a Comisión os fondos están tamén sometidos a que se executen medidas que permitan loitar contra o cambio climático e que existan propostas resilientes ao cambio climático. Está claro que fomentar e permitir a plantación de eucaliptus e fomentar o seu plantío é estar botándolle leña ao lume. A Comisión recoñeceu que un dos problemas que existe nos lumes e na súa propagación é precisamente as especies altamente inflamables e o eucalipto o é”.

Florent Marcellesi.- “A palabra chave en todo isto é a coherencia. Hai unha contradicción grande entre por un lado querer e defender plans de extinción de incendios, querer ser os máis avanzados na loita contra o cambio climático e ao mesmo tempo defender un modelo que sabemos que é totalmente contradictorio con estes obxectivos, como pode ser o monocultivo de eucalipto. Sabémolo perfectamente. Por suposto que non é o único motivo dos incendios, sabémolo perfectamente. España, Andalucía, Galicia e Portugal sofriron moito cos incendios. Non se pode subvencionar algo que desfacemos por outro lado. Por iso, paréceme a proposta de Lidia totalmente coherente”.

Screenshot_2019-02-20-15-18-55.png
A eurodeputada Ángela Vallina na súa intervención criticou duramente a actual política forestal da Xunta de Galicia e a mala xestión desta na extinción dos lumes
Screenshot_2019-02-20-15-15-13.png
O eurodeputado francés Florence Marcellesi abordando a problemática dos lumes en Galicia, tamén moi crítico coa expansión do eucalipto en Galicia
1024px-XabierBenito.jpg
O eurodeputado Xabier Benito Ziluaga, votou a favor de manter aberta a petición galega 
Screenshot_2019-02-20-15-02-01.png
O eurodeputado Franciso Millán durante a súa intervención apoiou, como sempre o fai,  a labor do executivo galego
Screenshot_2019-02-20-15-10-06.png
A eurodeputada Rosa Estarás, partidaria da liña continuista da Xunta de Galicia, na política actual de extinción de incendios
Screenshot_2019-02-20-15-08-16.png
O Presidente da Comisión de peticións, tras a votación, decidiu pechar a petición 1030/2017. A petición conseguiu o apoio de catro partidos políticos diferentes, pese a gañar a votación contraria dun único partido, o Partido popular europeo.
Galería

Na defensa do monte galego, o vindeiro 20 de febreiro en Bruselas, na Comisión de peticións do Parlamento europeo

A asociación ambiental e cultural Petón do Lobo estará o vindeiro mércores 20 de febreiro, na Comisión de peticións do Parlamento europeo, para tratar sobre dos lumes que ano tras ano, verán ou inverno, arrasan Galicia.

O presidente da entidade será o encargado de explicar as causas da mala xestión dos lumes en Galicia, os fallos estruturais que hai detrás da mala xestión do monte galego, a expansión incontrolada do eucalipto e os motivos polos que as plantas de biomasa non son a solución para frear o cambio climático en Galicia.

Diseño sin título (1)