Galería

A Xunta prevé converter o Monte Neme nunha estación macroeólica rodeada de labores mineiras sen restaurar

Vistas desde o Monte Neme
  • Plataformas e entidades bergantiñás critican que a Xunta de Galicia non restaure as labores mineiras abandonadas do Monte Neme nin drene as augas ácedas das balsas de lodos, froito da minería irresponsable e do desleixo da Administración, pero que en cambio permita a instalación de macroeólicos no cume deste monte sacro.
  • Entidades de toda Galicia rexeitan os macroeólicos do Monte Neme

Enel Green Power España, S.L.U. prevé instalar 4 macroeólicos de 200 metros de altura no Monte Neme. O proxecto eólico está a exposición pública ata o 22 de abril deste ano. As instalacións afectan directamente a cauces como a Fonte Seca, orixe do rego Bandeira, onde se atoparon restos cerámicos e a sonada “arracada” de Cances, unha xoia de ouro galaica da Idade de Ferro.

Pero ademáis o Monte Neme é un dos 74 xacementos romanos da costa ártabra nunca intervidos desde o punto de vista arqueolóxico. Así o confirma unha tese doutoral do ano 2019 de María Josefa Loira Enriquez sobre “O proceso de romanización do antigo territorio dos ártabros: formas de poboamento e organización territorial ao longo do periodo romano”.

Ademais do valor patrimonial, o Monte Neme é un excelente mirador ao Atlántico, desde onde se observa todo o municipio de Malpica e boa parte de Carballo. Desde algún dos seus puntos máis elevados pódese ver incluso ata Ferrol. Cos seus 386 metros, este monte é visible desde calquer punto o territorio carballés.

Por iso o impacto paisaxístico dos macroeólicos previstos por Endesa será brutal para unha comarca que vive do turismo e da paisaxe. Carballo, que se vende turísticamente como “Senda do Mar” xa pode chamarse agora “Senda dos Eólicos”.

Praias como Pedra do Sal, Razo –Baldaio, Leira e Santa Mariña ocupan case 7 km de costa, xunto con pequenas calas como a de Montefonte. A praia de Razo – Baldaio con 5 km de lonxitude é un dos areais máis fermosos de Galicia aos que hai que engadir o alto valor ecosistémico da Rede Natura, no complexo marismeño –lagunar de Baldaio.

Endesa tamen obvia a importancia da arqueoloxía da paisaxe no Monte Neme, xa que este monte está na liña visual directa con outros como o Monte Perrol ou o Pico de Meda. Ademais, está rodeao por 4 castros: o Castro de Oza, Castro do Rodo, Castro de Cances e Castro de Brión.

O proxecto de Endesa obvia todos os impactos paisaxísticos e patrimoniais do Monte Neme e incluso prevé unha liña evacuación que, superando todas as expectativas do que o malo pode ser incluso peor,  contempla unha lonxitude e 15 km con 64 apoios e afeccións irreversibles para a Rede Natura ZEC Río Anllóns, á Área de Especial Interés Paisaxístico (AEIP) Val fluvial do río Lourido,  á Carballeira de Sta. Mariña do Remuíño e ao Camiño de Santiago Vía Céltica ao seu paso polo val fluvial.

As plataformas e entidades solicitan o rexeitamento do proxecto eólico polo impacto paisaxístico e patrimonial inasumible e solicitan aos concellos de Carballo e de Malpica de Bergantiños que fagan o mesmo.

Monte Neme, 14 de marzo de 2022

Apoian:

Plataforma Monte Neme de Carballo e Malpica de Bergantiños

Asociación ambiental Petón do Lobo

Comité pola Defensa das Rías Altas

Asociación galega Cova Crea

Plataforma non máis eólicos Bustelo-Campelo-Monte Toural

Asociación “O Ouriol do Anllóns”

Plataforma veciñal O Cerqueiral de Coristanco

Plataforma veciñal “As Salgueiras” de Ponteceso

Sindicato Labrego Galego

Coordinadora Bergantiñá pola Defensa da Terra (Asociación Senda Nova, Asociación Contramínate de Laxe, Asociación de Veciños de Cereo, Plataforma pola Defensa de Corcoesto e Bergantiños…etc.)

Ecoloxistas en Acción Ortegal

Ecoloxistas en Acción Coruña Sur

Colectivo Apeom de Outes

Plataforma Quijote

Ecoloxistas en Acción Costa da Morte

Asociación Amigos do Patrimonio de Castroverde en Lugo

Plataforma Stop Eólicos de Paradela

Movimento Ecoloxista da Limia

Asociación Aire Limpo nas Mariñas-Mandeo

Plataforma veciñal Monfero Di Non

Plademar Muros-Noia

Ecoloxistas en Acción Lugo

Plataforma Salvemos O Iribio

Asociación en Defensa da Costa da Morte (Adecom)

Mina Touro – O Pino Non

Ecoloxistas en Acción A Mariña

Ecoloxistas en Acción Ártabra

Ecoloxistas en Acción Barbanza

Ecoloxistas en Acción Sarria-Monforte

Víctimas de la Justicia

Plataforma pola Convivencia Ética con Fauna Silvestre «Con-Ética»

Ecoloxistas en Acción Ribeiro

Rede do Rural

Asociación cultural Roxín Roxal

Ecoloxistas en Acción Galicia Centro

Cabanas Di Non

Montes de Chá

Serán na lagoa de Baldaio

O Monte Neme: da orixe sacra a minería irresponsable. E agora macroeólicos. Gracias #QuijotedeOutes

#noneólicosmonteneme#stopespolio#stopespolioeólico

Galería

Coñece o parque eólico Monte Neme en Carballo e Malpica de Bergantiños (A Coruña). Descarga o modelo de alegación e participa!

Coñece as características do proxecto do parque eólico Monte Neme. Pica no enlace e descarga o cadro -resumo:

Colabora e participa! Pica no enlace adxunto e descarga o modelo de alegacións ao proxecto do parque eólico Monte Neme. Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acces ou coa Chave 365 no portal da Xunta de Galicia: https://sede.xunta.gal/ Tamén podes modificar o modelo. Fin do prazo para presentar as alegacións: 22 de abril de 2022.

Podes descargar este outro modelo breve de alegación:

Cómpre lembrar que o Monte Neme é un dos 74 xacementos romanos documentados no territorio ártabro. Consulta o seguinte enlace:

http://e-spacio.uned.es/fez/eserv/tesisuned:ED-Pg-HHAT-Mjloira/LOIRA_ENRIQUEZ_Maria_Josefa_Tesis.pdf

Pero o Monte Neme non só encerra un xacemento romano. Tamén restos castrexos como a famosa arracada de Cances, que se conserva no Museo de Pontevedra. Véxase:

Aves na lagoa de Baldaio
Marisma de Baldaio co Monte Neme ao fondo
Malpica de Bergantiños co Monte Neme ao fondo
Arcea no Monte Neme
ZEC e ZEPA Costa a Morte

Que futuro queremos para o Monte Neme?

https://valfluvialdolouridocorcoesto.com/2018/12/13/o-monte-neme-da-orixe-sacra-a-mineria-irresponsable-historia-dunha-ferida/

Galería

Axúdanos a pedir a retirada do Concurso de Curtas Senda Litoral de Galicia promovido pola Xunta de Galicia co apoio da empresa eólica EDP Renovables, con varios parques en tramitación na Costa da Morte, por posible conflito de intereses. Descarga o modelo de queixa e participa!

Colabora e participa! Pica no enlace adxunto e descarga o modelo de escrito de queixa para pedir a retirada do Concurso de Curtas Senda Litoral de Galicia promovido pola Xunta de Galicia co apoio da empresa eólica EDP Renovables, con varios parques en tramitación na Costa da Morte, por posible conflito de intereses.  Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acces ou coa Chave 365 no portal da Xunta de Galicia: https://sede.xunta.gal/ Tamén podes modificar o modelo. Fin do prazo para presentar a queixa: 28 de febreiro de 2022.

Por que é importante a retirada deste Concurso de Curtas Senda Litoral de Galicia?

Asina a convocatoria do concurso  de Curtas Senda Litoral de Galicia o secretario xeral de Educación e Formación Profesional, José Luis Lema Mira, natural de Cabana de Bergantiños (A Coruña), segundo indica a web:

https://transparencia.xunta.gal/tema/transparencia-institucional/goberno-e-altos-cargos/administracion-xeral?content=/Portal-Transparencia/Unidades_informacion_transparencia/interiores/Tema_2/altos_cargos/administracion_xeral/transparencia_0095.html

Asina tamén o secretario xeral de Política Lingüística, Valentín García Gómez, coñecido pola súa estreita colaboración coa Fundación Eduardo Pondal do Couto, no municipio de Ponteceso (A Coruña), municipio lindeiro con Cabana de Bergantiños. Este certame  conta ademais coa colaboración da Axencia de Turismo de Galicia, a Fundación Galicia Sustentable, Enerxías de Portugal Renovables (EDPR).

Tanto en Cabana de Bergantiños como en Ponteceso, a promotora eólica EDP Renovables ten en tramitación alomenos 7 parques eólicos, incluído o parque eólico reponteciado de Corme, localizado na Rede Natura 2000.

1.- Parque eólico Alto do Torreiro, en Cabana de Bergantiños.

2.- Parque eólico Bustelo e Baralláns, en Cabana de Bergantiños.

3.- Parque eólico Agrelo e Muriño, en Cabana de Bergantiños.

4.- Parque eólico Monte Chan, en Laxe.

5.- Parque eólico Soesto, en Laxe.

6.- Parque eólico Pena dos Mouros, en Laxe.

7.- Parque eólico de Corme (repotenciación), Rede Natura 2000, en Ponteceso.

Chama poderosamente atención que colabore nesta convocatoria pública a Axencia de Turismo de Galicia, ben coñecida por informar nos expedientes de tramitación dos parques eólicos, en relación ao impacto turístico dos mesmos.

Chama tamén a atención que ao fronte desta convocatoria estén dous empregados públicos, na súa calidade de altos cargos, vencellados ás localidades onde EDP Renovables ten parques eólicos en tramitación, Cabana de Bergantiños e Ponteceso.

Chama a atención que segundo o artigo 12 da convocatoria, os centros  inscritos poderán obter máis información sobre a Senda Litoral de Galicia no web do proxecto (www.sendadosfaros.gal ), o chamado “Camiño dos Faros” que carece de avaliación ambiental e non está recoñecido oficialmente. E aínda así, a pesar da afección desta senda á Rede Natura 2000 e á coherencia desta, potencian e promoven a utilización dun roteiro que carece dos requisitos ambientais que a a normativa comunitaria e española esixen para ser recoñecida como tal, isto é, a preceptiva avaliación das súas repercusións sobre a Rede Natura 2000.

Chama a atención que se financie con diñeiro público unha actividade deste tipo e na que participa unha empresa EDP Renovables, que ante a falla de licencia social dos seus proxectos eólicos na comarca, o que busca é precisamente a acepación e a licencia social e que a Xunta de Galicia a través da Secretaría Xeral de Política Lingüística e da Secretaría Xeral de Educación e Formación Profesional da Consellería de Cultura, Educación e Universidade, lle axuden a facer un branqueado ou lavado de cara, para mellorar a aceptabilidade social dunha actividade que o único que prevé para a comarca ata agora son desfeitas paisaxísticas, como é o caso da repotenciación do parque eólico de Corme e que pretende inzar eólicos en boa parte do litoral da Costa da Morte e incluso afectar á paisaxe protexida Penedos de Traba e Pasarela, en Laxe e Vimianzo (Decreto 294/2008, do 11 de decembro, polo que se declara paisaxe protexida os Penedos de Pasarela e Traba).

É vergoñento este tipo de actividades e que a Xunta de Galicia se preste a este tipo de “lavados de cara” tanto da actividade eólica de EDP Renovables como da chamada “Senda dos Faros”, que afecta gravemente á Rede Natura 2000 e que non dispón de informe ambiental que garanta a súa viabilidade como tal.

Por que é tan importante protexer o litoral da Costa da Morte?

A Zona de Especial Protección para as Aves (ZEPA) é unha categoría de protección de carácter europeo e é outorgada a áreas naturais de especial relevancia para a conservación das aves, particularmente as que están ameazadas de extinción.

Para este obxectivo é primordial a conservación dos seus hábitats coas condicións ambientais necesarias para o descanso, reprodución e alimentación das aves.

ES0000497 Espazo mariño da Costa da Morte. Fonte: Ministerio de Medio Ambiente.

Según a Directiva 79/409/CEE, do 2 de abril, relativa á conservación das aves silvestres (Directiva de Aves), as ZEPA´s son zonas de especial protección para as aves silvestres. A Rede de  ZEPA´s é unha figura de protección, establecida na Directiva de Aves, para as 175 especies de aves consideradas máis ameazadas en Europa e, especialmente, para as aves migratorias. Un determinado lugar, para ser designado ZEPA, debe albergar un número mínimo de aves que lle outorgue unha importancia internacional.

As  ZEPA´s, xunto cos LIC (Lugares de Interese Comunitario), integran a Rede Natura 2000, cuxo obxectivo é a conservación da biodiversidade na Unión Europea.

As Zonas de Especial Protección para as Aves (ZEPAS) son zonas delimitadas e definidas polas Comunidades Autónomas, a partir de áreas que en cada rexión considéranse importantes para as aves.  O Ministerio de Medio Ambiente é o encargado de tramitar a documentación ante a Unión Europea.

As actividades humanas que están permitidas nas  ZEPA´s son todas aquelas que non prexudiquen ás especies de aves polas cales se protexeu dita zona.

A Orde  AAA/1260/2014, do 9 de xullo, pola que se declaran Zonas de Especial Protección para as Aves en augas mariñas españolas, «BOE» núm. 173, do 17 de xullo de 2014, establece a declaración de 39 espazos das augas mariñas baixo soberanía ou xurisdición española como Zonas de Especial Protección para as Aves (ZEPA), de conformidade co establecido na Lei 42/2007, do 13 de decembro, do Patrimonio Natural e da Biodiversidade. Entre eses espazos está o ES0000497 Espazo mariño da Costa da Morte, con unha superficie de 3.162,83 Km2.

Este espazo mariño ocupa gran parte da plataforma continental fronte á costa dá  Morte, no noroeste de Galicia. O interese do espazo radica na súa importancia como embude migratorio debido á súa privilexiada situación xeográfica e aos fortes ventos predominantes de compoñente  N e  NW. Estímase que máis dun millón de aves mariñas pasan por esta zona durante o verán-outono (migración  postnupcial). A maior parte das aves en migración proveñen do norte de Europa e  Siberia occidental, pero tamén hai especies mediterráneas (pardela balear,  Puffinus  mauretanicus),  neárticas (gaivota de  Sabine,  Larus  sabini) e do hemisferio Sur (pardela sombría,  Puffinus  griseus). A elevada produtividade da zona convértea tamén nunha importante área de alimentación, tanto para as especies en migración como para as locais (reprodutoras e  invernantes). Entre as reprodutoras locais destacan a gaivota  tridáctila (Rissa  tridactyla) e o  arao común ibérico (Uria  aalge  ibericus), que concentran as súas únicas colonias españolas nas costas enfrontadas ao espazo protexido. A zona conta tamén con colonias de  paíño europeo (Hydrobates  pelagicus) e corvo mariño  moñudo (Phalacrocorax  aristotelis  aristotelis).

A conservación destes taxóns na  ZEPA resulta prioritaria debido a que os seus valores poboacionais, status de ameaza ou representatividade xustifican a importancia ornitolóxica da área a nivel nacional e internacional.

A importancia da Rede Natura 2000 deriva da necesidade de facer efectiva a conservación de hábitats, flora e fauna, a través dos instrumentos previstos, como é a declaración de zonas ZEPA. Doutra banda, lembrar a obriga dos Estados de facela efectiva, que en tanto que debe prevalecer a protección dos devanditos lugares xa que doutro xeito non tería sentido, o cal conleva que as actividades que se pretendan levar a cabo nesta áreas teñen que ser compatibles cos obxectivos que perseguen tal protección.

Galería

Coñece o proxecto da LAT 66 kV de evacuación do P.E. Paxareiras II, no concello de Dumbría (A Coruña). Descarga o modelo de alegación e participa!

Coñece as características e os previsibles impactos ambientais do proxecto da LAT 66 kV de evacuación do P.E. Paxareiras II, no concello de Dumbría (A Coruña). Pica no enlace e descarga o cadro -resumo:

Colabora e participa! Pica no enlace adxunto e descarga o modelo de alegacións ao proxecto da LAT 66 kV de evacuación do P.E. Paxareiras II, no concello de Dumbría (A Coruña). Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acces ou coa Chave 365 no portal da Xunta de Galicia: https://sede.xunta.gal/ Tamén podes modificar o modelo. Fin do prazo para presentar as alegacións: 17 de xaneiro de 2022.

Podes consultar neste enlace o plano da LAT PAXAREIRAS II elaborado pola Plataforma Monfero Di Non:

Galería

A Xunta de Galicia esqueceu permitir o acceso ao documento ambiental do proxecto da LAT 66 kV de evacuación do P.E. Paxareiras II, no concello de Dumbría (A Coruña), en exposición pública ata o 17 de xaneiro

O proxecto da LAT 66 kV de evacuación do P.E. Paxareiras II, no concello de Dumbría (A Coruña) foi sometido a exposición pública no DOG Núm. 244, de 22 de decembro de 2021, pola Xefatura territorial da Coruña da Vicepresidencia Segunda e Consellería de Economía, Empresa e Innovación, que dirixe Isidoro Martínez Arca (expediente IN408A 2020/179).

O anuncio publicado no DOG establece un enlace web para o acceso á documentación do proxecto: https://ceei.xunta.gal/transparencia/instalacions-xeracion/lat-paxareiras-2

O anuncio indica a relación da documentación que se expón e fixa como data límite de presentación de alegacións o 17 de xaneiro de 2022.

 • Documentación que se expón:

1. O proxecto de execución (novembro 2021-asdo. 25.11.2021).

1.1. Plano xeral do proxecto do parque eólico.

1.2. A relación concreta e individualizada dos propietarios de bens e dereitos afectados polo proxecto (RBDA), que figura no anexo que se insire neste acordo.

1.3. Planos individuais dos predios afectados polo proxecto.

2. Documento ambiental (EIA) (decembro 2020-rev. maio 2021-asdo. 24.5.2021).

3. O proxecto sectorial (proxecto de interese autonómico-PIA)(novembro 2021-asdo. 25.11.2021).

Sen embargo, e a pesar do indicado no anuncio, non se expón o Documento ambiental (EIA) (decembro 2020-rev. maio 2021-asdo. 24.5.2021).

A seis días hábiles de que remate o prazo para a presentación de alegacións, a cidadanía e as persoas afectadas non puideron acceder a un dos documentos máis importantes do proxecto da liña de evacuación LAT 66 kV de evacuación do P.E. Paxareiras II, no concello de Dumbría (A Coruña) (expediente IN408A 2020/179).

Diversas queixas e reclamacións presentadas ante o Xefe Territorial da Coruña, Isidoro Martínez Arca, reclaman o reinicio do cómputo dos prazos para presentar as alegacións a un proxecto denso e de difícil comprensión.

Non é un caso illado

Hai determinados proxectos que parece que lle custa á Administración que a cidadanía acceda á documentación. Así sucedeu cos parques eólicos Valdepereira e Pico Seco da promotora Aerogeneración Galicia, S.L., que a Dirección Xeral de Planificación Enerxética e Recursos Naturais da Vicepresidencia Segunda e Consellería de Economía, Empresa e Innovación esqueceu subir á páxina de transparencia para o acceso da cidadanía, a pesar de tramitarse ambos os dous proxectos pola vía de urxencia e a conseguinte redución de prazos a tan só 15 días para alegacións.

Ambos os dous parques foron publicados no DOG Núm. 234, de 7 de decembro de 2021, pero a cidadanía afectada non tivo acceso á documentación ata 7 días máis tarde (o 14 de decembro), como se pode ver no enlace:

https://ceei.xunta.gal/transparencia/informacion-publica/en-tramitacion/instalacions-de-xeracion?content=expediente_0101.html

https://ceei.xunta.gal/transparencia/informacion-publica/en-tramitacion/instalacions-de-xeracion?content=expediente_0102.html

A pesar dos escritos de queixa presentados e a petición de reinicio do cómputo dos prazos a Dirección Xeral de Planificación Enerxética e Recursos Naturais obviou o problema e continúa coa tramitación dos expedientes, a sabendas da vulneración de dereitos.

A vulneración de dereitos da cidadanía, a norma habitual na tramitación eólica

Está claro que a Administración da Xunta de Galicia está a verse beneficiada da falla de información pública, xa que logo, o feito de impedir o acceso a información restrinxe a presentación de alegacións e a oposición a proxectos industriais eólicos máis que controvertidos, se temos en conta a falla de actualización da planificación sectorial eólica na que se enmarcan.

A nivel  supraestatal, no seo do Consello de Europa e da Organización de Estados Americanos (OEA), tanto o Tribunal Europeo de Dereitos Humanos como a Corte  Interamericana dos Dereitos Humanos, consideran que o dereito de acceso á información pública é un dereito fundamental integrado dentro do dereito á liberdade de expresión e a recibir información.

O Tribunal Sumpremo indica que o dereito de acceso aos rexistros e documentos administrativos constitúe un dereito da cidadanía dos chamados da terceira xeración e está enraizado no principio de transparencia administrativa, o cal responde a unha nova estruturación das relacións entre a Administración e a cidadanía.

A información administrativa é un imperativo do principio de publicidade e transparencia nunha sociedade democrática.

Nun sistema democrático, as institucións públicas non son propiedade da clase política ou altos cargos, senón que son de dominio popular, son da cidadanía, polo que a información que posúen ditas institucións tamén pertence a esta.

Galería

Coñece o proxecto da LAT 132 kV SET PE Troitomil, LAT 132 kV SET PE Banzas/SET colectora Lousame nos municipios da Baña e Negreira (A Coruña), unha división artificiosa da Solución de evacuación conxunta dos parques eólicos Maragouto e Banzas e 13 máis. Descarga o modelo de alegación e participa!

Coñece as características e os previsibles impactos ambientais do proxecto da LAT 132 kV SET PE Troitomil, LAT 132 kV SET PE Banzas/SET colectora Lousame nos municipios da Baña e Negreira (A Coruña). Pica no enlace e descarga o cadro -resumo:

Colabora e participa! Pica no enlace adxunto e descarga o modelo de alegacións ao proxecto da LAT 132 kV SET PE Troitomil, LAT 132 kV SET PE Banzas/SET colectora Lousame nos municipios da Baña e Negreira (A Coruña). Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acceso ou coa Chave 365 no portal da Xunta de Galicia: https://sede.xunta.gal/ Tamén podes modificar o modelo. Fin do prazo para presentar as alegacións: 29 de novembro de 2021.

Podes consultar o plano deste proxecto no seguinte enlace web da Plataforma Monfero Di Non:

Galería

Coñece o parque eólico Borrasca e a súa liña de evacuación que afecta ás ZEC río Ouro e ría de Foz -Masma e ás ZEPA ría de Foz e Costa da Mariña Occidental. Descarga o modelo de alegación e participa!

Coñece o parque eólico Borrasca e a súa liña de evacuación que afecta ás ZEC río Ouro e ría de Foz -Masma e ás ZEPA ría de Foz e Costa da Mariña Occidental.

Colabora e participa! Pica no enlace adxunto e descarga o modelo de alegacións ao parque eólico Borrasca e a súa liña de evacuación. Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acceso Tamén podes modificar o modelo e melloralo. Fin do prazo para presentar as alegacións: 5 de outubro de 2021.

Podes consultar o anuncio do BOP de Lugo e a documentación do proxecto nos seguintes enlaces:

http://www.deputacionlugo.gal/sites/deputacionlugo.org/files/inline-files/24-08-2021.pdf#page=25

https://ssweb.seap.minhap.es/almacen/descarga/envio/712bb3a0102dbc08e0ed1773dc700158634e1ab5

Podes consultar o mapa eólico:

Galería

Coñece o proxecto eólico A Espada no municipio de Agolada (Pontevedra). Descarga o modelo de alegación e participa!

Coñece o cadro -resumo das características e impactos do documento de inicio do parque eólico A Espada no municipio de Agolada (Pontevedra).

Colabora e participa! Pica no enlace adxunto e descarga o modelo de alegacións ao parque éolico A Espada no municipio de Agolada (Pontevedra). Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acceso ou coa Chave 365 no portal da Xunta de Galicia: https://sede.xunta.gal/ Tamén podes modificar o modelo. Fin do prazo para presentar as alegacións: 27 de outubro de 2021.

Podes consultar o documento de inicio no seguinte enlace:

https://cmatv.xunta.gal/seccion-tema/c/Avaliacion_ambiental?content=SX_Calidade_Avaliacion_Ambiental/Avaliacion_impacto_ambiental_proxectos/Seccion_AIA.html&sub=Participacion_publica/&ui=SX_Calidade_Avaliacion_Ambiental/Avaliacion_proxectos/dinamico/proxecto_aap_0123.htm

Visita o mapa eólico:

https://mapaseolicos.wordpress.com/

Galería

Coñece o parque eólico Crecente que afecta aos municipios da Cañiza e Crecente (Pontevedra) e a súa afección á AEIP río Deva. Descarga o modelo de alegación e participa!

Coñece as características e os previsibles impactos ambientais do parque eólico Crecente nos municipios da Cañiza e Crecente (Pontevedra) e a afección severa á Área de Especial Interés Paisaxístico (AEIP) río Deva. Pica no enlace e descarga o cadro -resumo:

Colabora e participa! Pica no enlace adxunto e descarga o modelo de alegacións ao proxecto eólico Crecente. Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acceso Tamén podes modificar o modelo e melloralo. Fin do prazo para presentar as alegacións: 29 de outubro de 2021.

AEIP Río Deva

Visita o mapa eólico:

https://mapaseolicos.wordpress.com/

Galería

Coñece o parque eólico Bustelo e Baralláns en Coristanco e Cabana de Bergantiños (A Coruña), que afecta á AEIP Val fluvial do Lourido. Descarga o modelo de alegación e participa!

Coñece o cadro -resumo das características e impactos do documento de inicio do parque eólico Bustelo e Baralláns en Coristanco e Cabana de Bergantiños (A Coruña) e que afecta á AEIP Val fluvial do Lourido.

Colabora e participa! Pica no enlace adxunto e descarga o modelo de alegacións ao parque éolico Bustelo e Baralláns nos municipios de Coristanco e Cabana de Bergantiños (A Coruña). Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acceso ou coa Chave 365 no portal da Xunta de Galicia: https://sede.xunta.gal/ Tamén podes modificar o modelo. Fin do prazo para presentar as alegacións: as persoas interesadas poden presentar alegacións en calquer momento.

Visita o mapa eólico:

https://mapaseolicos.wordpress.com/

Galería

Coñece o macro parque eólico Caaveiro e os outros 5 parques a desarrollar por Enel Green Power España na entorna das Fragas do Eume. Descarga o modelo de alegación e participa!

Coñece as características e os previsibles impactos ambientais da estación eólica Caaveiro e as súas infraestruturas asociadas. Pica no enlace e descarga o cadro -resumo:

Colabora e participa! Pica no enlace adxunto e descarga o modelo de alegacións ao proxecto da estación eólica Caaveiro e os outros 5 parques a desarrollar por Enel Green Power España na entorna das Fragas do Eume. Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acceso Tamén podes modificar o modelo. Fin do prazo para presentar as alegacións: 27 de xullo de 2021.

Fervenza do río Belelle, afectada polo p.e. Caaveiro, no municipio de Neda
Galería

Coñece a macro estación eólica Barjas de 121 MW e a súa infraestrutura de evacuación asociada, nas provincias de León, Ourense e Lugo. Descarga o modelo de alegación e participa!

Coñece as características e os previsibles impactos ambientais do parque eólico  Barjas de 121  MW e a súa infraestrutura de evacuación asociada, nas provincias de León, Ourense e Lugo.Pica no enlace e descarga o cadro -resumo:

Colabora e participa! Pica no enlace adxunto e descarga o modelo de alegacións ao proxecto do parque eólico  Barjas de 121  MW e a súa infraestrutura de evacuación asociada, nas provincias de León, Ourense e Lugo. Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acceso Tamén podes modificar o modelo. Fin do prazo para presentar as alegacións: 21 de xullo de 2021.

Galería

Coñece a estación eólica do Cabazo de 50,40 MW e a súa infraestrutura de evacuación, nos municipios de Carnota e Muros (A Coruña), á beira da Rede Natura. Descarga o modelo de alegación e participa!

Coñece as características e os previsibles impactos ambientais do documento de inicio da estación eólica do Cabazo de 50,40 MW e a súa infraestrutura de evacuación, nos municipios de Carnota e Muros (A Coruña), á beira da Rede Natura. Pica no enlace e descarga o resumo do documento de inicio:

Colabora e participa! Pica no enlace adxunto e descarga o modelo de alegacións ao documento de inicio da estación eólica do Cabazo de 50,40 MW e a súa infraestrutura de evacuación, nos municipios de Carnota e Muros (A Coruña), á beira da Rede Natura. Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acceso Tamén podes modificar o modelo. Data límite para a presentación de alegacións: 24 de xuño de 2021.

Monte e lagoa de Louro. O impacto da estación eólica sobre a paisaxe é significativo.

A Plataforma A Punta é de Abelleira elaborou o seguinte documento informativo sobre esta estación eólica:

Galería

Pide ao Presidente Feijóo que publique o Plan Sectorial Eólico (PSEG) no Diario Oficial de Galicia (DOG), para garantir a publicidade do seu contido, poñer fin á opacidade e garantir a seguridade xurídica. Descarga o modelo de solicitude e participa!

Colabora e participa! Pica no enlace adxunto e descarga o modelo de solicitude. Só tes que cubrir a cabeceira do escrito cos teus datos persoais e asinar na última folla. Logo preséntao no Rexistro de calquer Administración pública ou se tes sinatura electrónica no rexistro dá Administración estatal no enlace: https://rec.redsara.es/registro/action/are/acceso ou coa Chave 365 no portal da Xunta de Galicia: https://sede.xunta.gal/ Tamén podes modificar o modelo. Prazo: recoméndase presentala solicitude o antes posible.

Solicítase á Xunta de Galicia:

1.- A publicación no Diario Oficial de Galicia do texto íntegro do Plan Sectorial Eólico de Galicia, para o seu coñecemento pola cidadanía, en virtude do principio de publicidade normativa.

A publicidade das normas é un principio esixido pola seguridade xurídica, que permite á cidadanía coñecer as disposicións normativas que están obrigados a cumprir. A publicidade das normas constitúe un dos piares do Estado de Dereito, a diferenza da época  absolutista, en que existían preceptos secretos. Dado que «a ignorancia das leis non escusa do seu cumprimento» (art. 2.1 do Código Civil), ha de facilitarse o coñecemento das normas pola cidadanía, para o que estas publícanse no Diario Oficial. A Constitución Española, no seu artigo 9, que recolle os principios en que se concreta a definición do Estado de Dereito proclamado no artigo 1, garante ademais da seguridade xurídica, a publicidade das normas.

A cidadanía temos dereito a coñecer que son e cales son as Áreas de Desarrollo Eólico, temos dereito a coñecer que parques eólicos afectan aos nosos municipios, ás parroquias e aos lugares nos que residimos e temos dereito a coñecer as poligonais de delimitación dun parque eólico, esas áreas efectivamente afectadas pola instalación dun parque eólico determinada no seu proxecto de execución e nas que se poden ubicar as nosas vivendas.

2.- Proceda a adopción da medida cautelar urxente consistente na paralización da aplicación do Plan Sectorial Eólico  de Galicia en tanto non se publique o texto íntegro deste no Diario Oficial de Galicia, para xeral e público coñecemento do seu contido.