Neboada, Treboada, Ventumelo, Xeada e Orballeira….., a imaxinación das eólicas en Galicia para fragmentar os proxectos e facilitar a súa simplificación ambiental

Creación de novas empresas, nomes imaxinativos e incluso poéticos, división dun único proxecto industrial en varios …etc. A imaxinación das grandes corporacións eólicas non ten trabas á hora de tratar de simplificar a avaliación ambiental dos proxectos e abaratar custes. Véxase o exemplo dunha delas para o proxecto industrial que afecta ao macizo central ourensán e á Ribeira Sacra.